Nikolay Baboglunun arhivi Çadıra gelecek.

 

 16 Kasım 2021-dä  M. Maruneviç adına  Gagauz Bilim Merkezi  hem  Gagauziya Kultura Genel Bakannıı ortak komisiyasında  anılmış gagauz yazıcının N.İ. Baboglunun arhivini  bizim Çadır-Lunga İstoriya hem etnografiya muzeyimizä baaşlamak için sözleştilär hem karar verdilär. Bizä deyni bu bir sevinmelik, mutluluk hem büük bir sorumluluk.  Kendimizdän var nicä sölelim  ki baaşlanmış arhiv materialları bilimsel bir  inventärdän, aaraştırmaklardan sora muzeyimizdä sergilencek. Umudumuz var ki bundan sora gagauz dilini,  gagauz literaturasını sevennerä deyni muzeyimiz bir merkez, bir buluşmak, çekicilik eri olacek.  Bizä deyni eni bir çalışmak yolu acıldı. Çok şükür ederiz verennerä! Büük bir hodulluklan bu paalı vergiyi kablederiz!